Sengepost barn og ungdom Ålesund

Barn 1 er infeksjonsposten med 10 einerom. Barn med infeksjonssjukdomar i luftvegane og i mage/tarm er den største pasientgruppa. 

Barn 2 har ti einerom og ei  rehabiliteringseining. Dette er ei infeksjonsfri avdeling. Hit kjem born med mellom anna diabetes, leddgikt, hjartesjukdomar, epilepsi og kreft. Barn innlagt pga. øyre-nase-hals-lidingar og barn som må ha kirurgisk og/eller ortopedisk behandling ligg òg på vår sengepost, men får behandling av legar frå dei respektive avdelingane.

Svært sjuke barn med behov for meir intensiv behandling og overvaking, vert innlagt på kirurgisk intensivavdeling. Her vert dei følgt opp av legar frå barneavdinga på lik linje med barn som er innlagt på den vanlege sengeposten vår.

Avdelinga tek imot pasientar til planlagte undersøkingar (listepasientar), operasjonar og pasientar med behov for strakshjelp (ø-hjelp). 80-85 % av dei innlagt barna er pasientar som krev strakshjelp.