Vi anbefaler at du alltid bruker siste versjon av nettleseren din.
logo Helse Møre og Romsdal

Undersøking

Epikutantest ved allergi

Ved epikutantest, også kalla lappetest, legg vi testmateriale i små kammer direkte på huda, vanlegvis på ryggen. Testen blir brukt ved mistanke om allergi mot stoff som kjem i kontakt med hud. Testmaterialet skal ligge på i 48 timar. Testen blir lest av etter 72 timar, i nokre tilfelle også etter fem til sju dagar.

I tilvisinga bør legen skrive om ein mistenker kontaktallergi mot spesielle produkt. Kva yrke pasienten har, og ev. eksponering for kjemiske stoff er nyttig informasjon. Oppdatert medikamentliste er viktig. 

Før

Du må ikkje smøre huda på ryggen med kortisonkremar dei siste to til tre vekene før testen skal bli lagt på. Dersom du bruker Prednisolon-tablettar over 10 mg per dag, kan du ikkje ta testen. Du bør ikkje ha fått sol på ryggen dei siste fire vekene før testen blir lagt. Dersom du mistenker at du reagerer på spesielle produkt (kosmetikk, kremar o.l.), kan du ta med desse til konsultasjonen. 

Under

Testkamrene/testmaterialet tapes fast med plaster på ryggen. Vanligvis blir testområdene markerte med tusj. Av og til plastrer vi en liten bit av stoffet vi mistenker allergi mot direkte på huden. 
 
Prosedyren kan ta opp til en halvtime, avhengig av hvor mange tester som skal legges.

Epikutantest.Bilde.

Illustrasjonsbilde som viser hvordan testen blir festet og merket på huden. Foto: Oslo universitetssykehus

Etter

Forholdsreglar før avlesing hos hudlege: 
  • Unngå kroppsleg aktivitet som framkallar sveitte. 
  • Du må ikkje bade/dusje eller vaske hudområdet der tapen er festa, i tida før du skal til lege for avlesing av testen.
  • Ikkje utsett testområdet for sol. 
  • Unngå å klø på hudområdet der testen ligg. 
  • Unngå store bevegelsar og gnissing mot testområdet (plasteret kan losne). 
Testen blir lest av på poliklinikken eller hos tilvisande hudlege. Når testen er lest av, vil du få informasjon om allergi er påvist eller ikkje, og ev. kva produkt du bør unngå å komme i kontakt med. Dei fleste treng ikkje oppfølging på sjukehus. 

Ver merksam

Det er sjeldan med komplikasjonar etter epikutantesting. I nokre tilfelle kan reaksjonen på testmaterialet bli så kraftig at utslettet må bli smurt ned med sterke lokale steroid i nokre dagar for å dempe kløe. 

Kontakt

  • Kontakt Hudpoliklinikken Ålesund

    Oppmøtestad

    Hudpoliklinikken i Ålesund finn du ved inngang nord (poliklinikkinngangen), til venstre når du kjem inn.

  • Kontakt Hudpoliklinikken Kristiansund

    Oppmøtestad

    Hudpoliklinikken i Kristiansund finn du i 1. etasje på sjukehuset. Gå inn hovudinngangen og til venstre for sentralbordet. Ekspedisjonen til Hudpoliklinikken ligg på venstre side i korridoren. Meld deg her ved ankomst.

    Lysbehandling i Molde finn du i apotekbygninga ved Molde sjukehus, Parkvegen 81. Inngang rundt hjørnet til høgre for apotekinngangen.